Keuses, Ons Het Dit Elke Dag

KEUSES, ONS HET DIT ELKE DAG.
(Marijke Edwards)

Het jy geweet dat elke dag 'n keuse is? Jy kan kies hoe jy vandag opstaan, hoe jou dag gaan verloop en sonder om vir jouself in die spieël te staar of daardie 'nice outfit' aan te trek, kan jy kies hoe jy vandag oor jouself gaan voel.

Die probleem is, ons kies nie altyd om positief te dink nie. Ek wed jou as jy vanoggend opstaan en die hele oggend vir jouself sê: Ag, vandag gaan weer een van daardie dae wees, het jy alreeds gekies dat alles wat met jou gebeur negatief gaan wees, maar as jy kies dat jy 'n wonderlike dag gaan hê, dat alles wat negatief is jou nie onder gaan kry nie, dan gaan dit nie. Hoekom? Jy gaan dit nie toelaat nie, want jy het die keuse gemaak.

So, gaan jy toelaat dat negatiewe goed jou onder kry of gaan jy kies om dit nie toe te laat nie?

Dit is jou keuse…

Here, ek kies vandag om positief te wees. Ek gaan nie toelaat dat negatiewe goed in my lewe my onder kry nie. Ek gaan vandag die beste van die dag maak wat ek en ek gaan so positief leef as wat ek kan en ek gaan straal van blydskap! Asseblief Here, help my net met krag en geduld.

< Prev		Next >